ताजमहल

Visit to TAJ-hazaron desi-videsi logon ke saath hum bhi Taj darshan ke liye ek lambi si que ko par karke pahunche,,achha laga aaj Taj dekhna magar kuch missing tha shayad yesa laga mujhe,haan mere saathi log (Jitendra ji and Avinash) khush the..socha unhi ki khushi ke kahtir fir se ek lambi line me lag gaye the..TAJ ko dekhne me,,ek ke pichhe ek ho liye.jese kisi Rashan shop me chinni lene ja rahe ho ya bahut bade mandir me darshan ki formality karne ke liye khade ho..kuch dhakke khaye kabhi left me kabhi right me,aur security ke aawazen aage badho.chalte raho...hum bhi chalte gaye,,andar sukun hi nahi tha...sab log alag alag andaz me photo le rahe the,vahan bhi ek ajeeb hod lagi thi TAJ ko camera me qaid karne ki,,yesa lag raha tha jese log aaj TAJ ko ghar le jayenge..hazaron ki bheed,,aur me Tanha sa,,mene bhi photo liye..par un jagah ke jahan bheed nahi thi..
Achanak meri nazar ek Gilhari pe gayi--arey kitni masti ke saath fudak rahi thi,in pyare phoolon ke asspass.us taraf ek safed panchhi bhi tha(white bagula) wo bhi to badi style me idher udhar ghum raha tha..masti me..use kya lena dena tha logon se aur Tajmahal se use to masti karni thi..me bhi kuch pal unke saath raha..sach me unki masti TAJ se jyada thi...Do boond muskan jo de gayi thi mujhe..........